Është bërë e mundur ndalimi i shtetasit Sokol Gula, 37 vjeç, banues në Pishkash, Librazhd. Para dy vitesh Gula së bashku me shtatë shtetas të tjerë kanë shfrytëzuar për prostitucion një 15-vjeçare.
Sokol Gula u dënuar nga Gjykata e Rrethit Gjyqësor Elbasan, me vendim penal, 6 vjet e 11 muaj e 24 ditë burg për veprën penale “Shfrytëzim prostitucioni me të mitur, kryer në bashkëpunim”, parashikuar nga neni 114/2 të Kodit Penal.
Specialistët Kundër Trafiqeve të Paligjshme, në Drejtorinë Vendore të Policisë Elbasan, kanë bërë të mundur arrestimin e 37- vjeçarit.
Policia e Elbasanit në një operacion “Zogjtë e natës” arrestoi para 2 vitesh, K. Rrapollari, 16 vjeç; Miglen Toska, 22 vjeç; Fabio Ullorja, 31 vjeç; Sokol Gula, 34 vjeç; Nikolla Kallajxhiu, 31 vjeç; Vasil Nosi, 58 vjeç dhe Artur Gula për shfrytëzimin e vajzës të moshës 15- vjeçare për prostitucion kundrejt shumë 2000 lekë.
