Muzikë, art, lojra dhe argëtim janë kryefjala e ditës së sotme në kuadër të Ditës së Verës e cila do të shoqërohet me festime në mbarë vendin.
Bashkia e Tiranës është kujdesur deri në detaje në mënyrë që kryeqytetit të mos i mungojë asgjë për këtë festë.
I gjithë kryeqyteti duke nisur nga bulevardi “Dëshmorët e Kombit”, parku “Rinia”, lulishtja tek sheshi “Skënderbej”, sheshi “Nënë Tereza” si dhe zona tek Blloku do të krhehen në arenë festive ditën e 14 marsit.
Kështu duke nisur prej orës 09:00 të mëngjesit të ditës së sotme do të çelet panairi EKO në sheshin “Nënë Tereza”, risi e këtij viti, ku kompani lulesh si dhe disa sipërmarrje riciklimi do të krijojnë një kopësht të madh në shesh si dhe do të promovojnë punimet e tyre të realizuara nga mbetjet urbane.
Pjesë e kësaj feste tradicionale tashmë janë edhe fëmijët.Kështu rreth 1000 fëmijë të veshur më uniforma të gjelbra dhe kafe, do të vendosen në formën e një peme nën moton “Jeto Eko, Festo Eko” dhe do të parakalojnë nga Kryeministria në drejtim të Sheshit “Nënë Tereza”.
Ansambli i Tiranës, Teatri i Kukullave, Cirku i Tiranës gjithashtu janë pjesë e festimeve të 14 marsit, ku kanë parashikuar performanca të ndryshme argëtuese për fëmijë dhe të rritur.
Nënkryetari Abaz Hado e ka cilësuar ditën e verës njnjë moment të rëndësishëm e të bukur për të gjithë fëmijët e kryeqytetit. Po ashtu ai ka shpjeguar se fëmijët do të performojnë duke ngritur balonat përgjatë bulevardit.
Gjithashtu, pjese e festime në kryeqytet do të jetë edhe Grupi Folklorik i Kasharit dhe këngëtaret Iris Bega dhe Greta Gani. Në këtë koncert do te interpretojnë Trupa e Valleve , Koridhe Orkestra e Ansamblit Popullor. Rexhep Çeliku , Mjeshtëri i Madh do të jetë drejtues i grupi të valleve më këtë koncert organizuar nga Teatri Kombëtar i Operas dhe Baletitdhe Ansamblit Popullor.
“Le te festojmë sot në mbrëmje të gjithë bashkë në TKOB. Koncert i Ansamblit Popullor plot risi e surpriza !”,thuhej në faqen e Tetarit Kombëtar të Operas dhe Baletit .
Po ashtu, Bashkia e Tiranës në bashkëpunim me biznese të ndryshme Ditën e Verës ka organizuar edhe koncerte të ndryshme, ku është parashkuar ngjitja në skenë e DJ dhe këngëtarëve më të njohur të momentit.
Ndërkohë në qytetin e Elbasanit, prej disa ditësh kanë filluar përgatitjet për këtë festë për ta finalizuar pikërisht sot.
