Shteti francez mori vendimin që kampionati më elitar në vend, Ligue 1, të përfundonte para kohe pas shpërthimit të pandemisë COVID-19, duke u bërë kështu një nga ligat e para që mori këtë vendim.
Për këtë arsye, kampionati francez, do të jetë një nga shtetet e para që do të nisë sezonin e ri futbollistik 2020-2021 pasi prej më shumë se 4 muajsh nuk është në aktivitet.
Pasi u zyrtarizua që formula e edicionit të ardhshëm nuk do të ndryshojë, tani ka ardhur edhe zyrtarizimi për datat se kur do të fillojë sezoni i ri. Ndeshjet e para do të zhvillohen më 22 dhe 23 gusht.
Nuk është përcaktuar ende kalendari i plotë, ndërkohë është për t’u përmendur që kampionët e Ligue 1, PSG, do të luajnë dhe në Champions League gjatë muajit gusht, po ashtu dhe Lyon, me dy skuadrat që nuk do të kenë thuajse asnjë ditë pushim.
Ndërsa kampionatet e tjera të mëdha evropiane, janë planifikuar të fillojnë në muajin shtator.
