82 janë rastet e reja me koronavirus në 24 orët e fundit, njoftoi Ministria e Shëndetësisë. Për herë të parë, pas disa ditësh, nuk është raportuar për asnjë humbje jete.
41 të infektuar janë shëruar 24 orët e fundit. Rastet aktive janë 1273.
84 pacientë janë të shtruar në spital – 11 në terapi intensive në gjendje serioze dhe 6 prej tyre janë të intubuar, në gjendje të rënde.
Bilanci i përditësuar
“Situata në spitalin infektiv paraqitet serioze. Është rritur numri i të shtruarve dhe rëndohet situata shëndetësore e pacientëve në terarapi intensive. Aktualisht janë të shtruar 84 pacientë në spital, 11 pacientë janë në terapi intensive në gjendje serioze dhe 6 prej tyre janë të intubuar, në gjendje të rënde. Gjatë 24 orëve të fundit janë kryer 401 testime për të dyshuar të prekur me COVID19, nga të cilat janë konfirmuar 82 raste pozitive. Shpërndarja gjeografike e rasteve është si vijon: 30 raste në Tiranë, 11 në Shkodër, 6 në Kukës, 5 në Elbasan, nga 4 raste në Bulqizë, Krujë, Berat, Malësi e Madhe, nga 3 raste Kavajë, Përmet, 2 në Korçë, nga 1 rast në Pukë, Mirditë, Kamëz, Gjirokastër, Tepelenë, Dibër. Në 24 orët e fundit janë shëruar 41 qytetarë, duke e çuar në 1832 numrin e të shëruarve që nga fillimi i epidemisë. Në vendin tonë aktualisht janë 1273 persona aktivë me COVID19, kryesisht në Tiranë, Shkodër, Krujë, Durrës”, informoi Mirela Cami Drejtore e Operatorit të Shërbimeve të Kujdesit Shëndetësor.
Apeli
Ministria e Shëndetësisë dhe Mbrojtjes Sociale i rekomandon çdo qytetari të tregojë kujdes për respektimin e rregullave: Ruani distancëm, përdorni maskën në ambientet e mbyllura dhe mbani higjienën personale dhe kolektive.
“Ministria e Shëndetësisë dhe Mbrojtjes Sociale i rekomandon çdo qytetari të tregojë kujdes për respektimin e rregullave: Ruani distancën nga të tjerët të paktën 1.5 metër; Mbani maskë në ambiente të mbyllura dhe kudo ku nuk mund të ruani distancën; Ruani higjienën personale dhe kolektive Nëse keni shenja të sëmundjes izolohuni dhe telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19“, apeloi Cami.
Shpërndarja gjeografike e rasteve aktive sipas qarqeve, referuar MSH
- Tiranë 509
- Durrës 215
- Shkodër 173
- Vlorë 116
- Lezhë 64
- Fier 41
- Elbasan 33
- Korçë 32
- Kukës 32
- Berat 24
- Gjirokastër 17
- Dibër 17
COVID-19 – Statistika (9 Korrik 2020), sipas MSH
- Testime totale (molekulare dhe serologjike) 31,093
- Raste pozitive 3188
- Raste të shëruara 1832
- Raste Aktive 1273
- Humbje jete 83 (Qarku Tiranë 46, Durrës 13, Fier 5, Vlorë 2, Shkodër 12, Kukës 1, Elbasan 2, Lezhë 1, Berat 1)
