Një tjetër fëmijë është vrarë në tragjedinë njerëzore që po zhvillohet ende në Aleppo. Një vajzë 4-vjeçare vdiq pasi kapi një bombë duke menduar që ishte një lodër.
Eman po dilte jashtë për të mbushur ujë në zonën lindore të Aleppo-s të kontrolluar nga rebelët, kur preku bombën.
Ajo mendoi se ishte top argjendi, thanë familjarët e saj në televizionin ITV. Ky television të hënën nxorri një video ku tregohej vogëlushja që luftonte për jetën e saj në spital.
Fytyra e saj ishte e mbushur me gjak dhe plot shenja. Vogëlushja u nda nga jeta ditën e djeshme. Një tjetër vajzë në të njëjtin spital u pa tek vajtonte në dhimbje pasi u plagos nga një sulm ajror.
Emri dhe mosha e saj nuk bëhen të ditur, pasi asnjë nga familjarët nuk e shoqëroi atë. Doktorët mendojnë se ata u vranë nga i njëjti sulm.
