Ish -kryeministri Sali Berisha ka komentuar te “Studio e Hapur” edhe njoftimin e Ambasadës Amerikane për protestën e shoqërisë civile për mbetjet.
Ambasada njoftonte qytetarët e saj se “Opozita organizonte protestë kundër mbetjeve jo të rrezikshme”. Berisha thotë se ky njoftim ishte i papranueshëm dhe shprehte keqardhje për këtë. “Shpreh keqardhje për njoftimin e Ambasadës Amerikane. Ai njoftim s’duhej të ishte bërë. Dukej sikur bëjnë intepretin e Edi Ramës. Ai njoftim dukej sikur ishte shkruar nga PSja, nga Gramoz Ruçi. Unë jam kundër ambasadorëve që bëhen guvernator. Këtë nuk e them për Lunë por në përgjithësi”, tha Berisha.
BERISHA PER LIGJIN E MBETJEVE
Ishkryeministri Sali Berisha, i ftuar në “Studio e Hapur” të “Neës 24” tha sot se ai nuk do ta votonte ligjin për importin e mbetjeve në vitin 2011 nga qeveria e tij, po të kishte informacion për dëmet që mund të shkaktonin. “Po të dija dëmet që shkaktohen, nuk do ta kishim miratuar”, tha Berisha në “Studio e Hapur”. Ai gjithashtu sulmoi Ramën se po luan me fjalët. “Mbetjet dhe plehrat janë e njëjta gjë. Rama mashtron në mënyrë të paskrupullt”, tha Berisha.
PJESE NGA INTERVISTA
Ligji i mbetjeve, duket sikur është një lojë ku aktorët herë pas here ndërrojnë vendet…
Kur nuk ka qeveri, nuk ke kujt t’ia lesh përgjegjësinë. Kjo bisedë duhet të ishte bisedë e bilancit tre vjeçar. Simboli i bilancit u bë kazani, u bë plehu. Nuk mund të kishim gjetur asgjë me shpjeguese, më domethënëse se sa kazanin dhe plehun. E thotë Shekspiri diku ku drama është gracka ku shpirti mbeti si laraska. Kazani është gracka ku shpirti i Ramës mbeti si laraska. Të dalësh para shqiptarëve dhe të quash tradhti kombëtare importin e plehut katër vjet më parë dhe pas katër vitesh të thuash se se kam thënë kurrë për mbetjet, të kujton një histori personale të familjes së tij. Unë do tua them shqiptarëve, një të vërtetë të hidhur. gjyshi i tij dhe i vëllai për 27 vite nuk kanë folur me njëritjetrin, pse sepse aty në një gardh kaloi diçka dhe njëri tha ishte mace, tjetri tha ishte lepur. E dinë gjithë Vlora këtë, u zunë dhe për 27 vite nuk folën. Me ligjin e dajove të këtij do të duhen 27 vite të kuptojnë se mbetje dhe pleh janë e njëjta gjë. Qytetarët kur e hedhin këtë letër në kosh, thonë e hodhëm në koshin e plehrave. Ky do të bëjë një lojë fjalësh duke kujtuar macen me lepurin. Këtë nuk ja bëra unë këtij, ja bëri valixhja me 4 milionë euro.
Jeni fajtorë të dy?
E kam thënë në parlament, nëse do kisha patur faktet e sotme atë ligj nuk do ta kisha bërë.
Po jemi në 2016 dhe jeni vonë..
Ky është denoncimi i medias. Ka jë faktor të dytë madhor. Çfarë ka ndodhur? Këtu kam direktivën e vitit të kaluar të KEsë për mbetjet dhe furnizimin e ujit. KE përcakton standardet. Ka një ndryshim parimor dhe praktik. Duhet të ekzistojë ndarja në parim e mbetjeve.
Robert Rakipllari: Ju kemi ju para dhe po ju kujtoj që në 2004 kur doli kjo çështje, kur ishte Nano në pushtet ju ishit kundër. Erdhëm në 2011, ju e lejuat importin e mbetjeve të gjelbra. E mbrojtët këtë tezë. Ju kishit këto argumente që ky është një mall që blihet në treg. Pe ju jeni kundër parimit tuaj që mbrojtët në 2011?
A mund të bëj një sqarim me një fjalim timin; Albania Beg do të ndërtonte në Kashar një fabrikë për djegiet. Unë nuk kam lëvizur nga ky pozicion. U bë ligji i trajtimit të integruar të mbetjeve. Nuk ishte kjo direktivë evropiane e kalimit nga ekonomi lineare në atë cirkulare. Ky mashtron në mënyrë të paskrupullt, pasi laboratori ka enë dhe ekziston (Rama).
Robert Rakipllari: E pranoi se gjatë kohës që keni qenë në pushtet kanë hyrë mbetje të rrezikshme?
Unë nuk e di. Problemi qe me Kurimin, i cili merrte makinat dhe për hir të vërtetës nuk digjte filtrat dhe nuk i digjte, dhe krijoi atë malin. Çfarë dëgjoi unë më vonë, dëgjoj se një pjesë e tyre ishin hedhur në Shkumbin dhe kjo ishte gabim i Qeverisë. Unë nuk e toleroj këtë.
