Trajneri i Kukësit, Orges Shehi, në prag të duelit me Tiranën tregohet i drejtpërdrejtë, kjo supersfidë që mund të përcaktojë edicionin nuk është thjesht një takim i zakonshëm si çdo ndeshje tjetër, është një përballje vendimtare dhe e duke përfrazuar fjalet e Shehit : Është treni i fundit.
Blutë vijnë në këtë takim pa bomberin, Vasil Shkurtaj. Gjendja e vlonjatit nuk është aq e rëndë sa u mendua në fillijm , por gjithsesi mbetet jashtë për këtë duel, një “handikap” jo i vogël për nënkampionët e Shqipërisë.
Tirana ka qenë në zemër të ciklonit pas humbjes në Ballsh, ku është aluduar edhe për tolerim, a do të ndikojë kjo klimë jo e mirë skuadrën kundërshtare?! Kjo gjendje e krijuar tek rivali nuk i intereson aspak trajnerit të Kukësit.
Një sfidë brenda sfidës është edhe përballje mes dy ish-portierësh, ku rrallë herë dhe kundërshtar në stol, dy trajnerë që në të shkuarën kanë mbuluar rolin e lojtarit të fundit.
