Katër persona të tjerë dyshohet se kanë humbur jetën në Kosovë nga koronavirusi duke e çuar në 70 numrin e viktimave.
Mediat në Kosovë bëjnë me dije se në një hark të shkurtër kohorë kanë humbur jetën 12 persona nga Covid 19.
Ndërkohë Policia e Kosovës ka rrethuar Klinikën Infektive të QKUK-së, në këtë klinikë përveç numrit të madh të policëve, janë parë edhe përfaqësues të Mjekësisë Ligjore dhe prokurorisë.
Gjithashtu mësohet se një 70 vjeçar ka humbur jetën gjatë orëve të para të mëngjesit të kësaj të diele, ku vajza e tij ka thënë për mediat se dyshojnë që babai i tyre ka vdekur për shkak të mungesës së oksigjenit.
Deri më tani numri i të infektuarve me koronavirus në Kosovë është 3 356 persona dhe janë shëruar 1 874.
