Një punonjës i OSHEE ka humbur jetën sot në Vlorë, si rezultat i një aksidenti në punë. Policia bën me dije se viktima është shtetasi me iniciale Sh.B, 23 vjeç, banues në fshatin Grabian.
Mësohet se punonjës i OSHEE-së ka qenë duke kryer punime me kabllo elektrike në fshatin Grabian.
I riu dyshohet se ka rënë nga një mur në punime e sipër me kabllot elektrike, duke marrë dëmtime të rënda.
23-vjeçari është shoqëruar menjëherë drejt spitalit rajonal për ndihmë mjekësore, por ka mbërritur i pajetë rreth orës 12:30.
Grupi hetimor po punon për sqarimin e rrethanave.
