Rebani Jahupi, Drejtori i Policisë së Tiranës tha se banesën ku u gjetën të pajeta një grua dhe e bija, janë gjetur shënime me përmbajtje fetare.
“Dua t’ju bëj me dije se këtu në Kominat ka ndodhur një ngjarje e rëndë. Vëllai ka treguar se prej tre ditësh nuk ka pasur kontakt me motrën dhe dy mbesat e tij. Zjarrfikëset nuk hapën dot derën e hyrjes, hymë nga dritarja e tualetit të banesës. E zonja kishte vdekur, një nga vajzat në gjendje kritike iu dha ndihma e parë. Dhe në krevat është gjetur e mbuluar me batanije dhe jorgan vajza 33-vjeçare. Mendohet se janë vetëflijuar. Në banesë u janë gjetur libra me përmbajtje fetare, do ekzaminohen të gjitha mjetet elektronike të gjetura. Vajzat ishin me arsim të lartë, por aktualisht ishin të papuna. Nga ajo që është vënë re është se ditët e fundit ishin të paushqyera”, tha ai në një prononcim për mediat.
Në media, është raportuar se gruaja dhe dy vajzat kanë qenë pjesë e sektit fetar të “Dëshmitarëve të Jehovait”.
Ngjarja e rëndë në Tiranë/ Nënë e bijë gjenden të vdekura, vajza tjetër rëndë në spital (FOTO)
