Sulmuesi kosovar, Shkëlqim Demhasaj, ka kaluar nga Luzern te Grasshopper, një nga klubet më të mëdha në Zvicër.
Sezoni i fundit nuk ka shkuar mirë për Demhasajn, pasi nuk ia ka dalë të shënojë në kampionat. Për një sulmues nuk është gjë e mirë kjo, por te Grasshopper besojnë shumë tek ai.
Drejtori sportiv, Bernard Schuiteman, pas firmosjes së kontratës 3-vjeçare me sulmuesin dardan, është shprehur: “Edhe pse është 191 centimetra i gjatë, Demhasaj ka aftësi teknike mbresëlënëse dhe jashtëzakonisht i rrezikshëm përpara portës. Me cilësitë dhe profilin e tij, ai do t’i japë skuadrës më shumë qëndrueshmëri”.
