Rregulli i përgjithshëm thotë që dhëmbët duhet të kontrollohen çdo gjashtë muaj tek dentisti. Por njerëzit me higjienë të dobët të gojës, me probleme të mëparshme apo faktorë gjenetikë mund të kenë nevojë për konsulta më të rregullta.
Gjashtë muaj
Pacientët janë në dijeni për dëmtimet e vogla që kanë pësuar dhëmbët e tyre, vrima të vogla që mund të zmadhohen gradualisht. Kështu, duke mos i trajtuar për një kohë të gjatë, kjo rrezikon edhe humbjen e tyre. Këto vrima mund të jenë edhe shenja të hershme të shfaqjes së kancerit të gojës.
Një vit
Dhimbje dhe gjakderdhje e mishrave të dhëmbëve janë simptomat më të dukshme. Duke mos i trajtuar dhëmbët tek dentist prej një viti, problemet do të jenë serioze deri në humbjen e dhëmbëve.
Dy vjet
Gjasat që dhëmbët janë në gjendje të shëndetshme, janë thuajse të pamundura. Duke kaluar kaq kohë, ata kërkojnë trajtime të dhimbshme sepse ndodhen në një fazë kritike. Zgavra e krijuar që në fillesa mund të rikuperohej me ndërhyrjen e dentistit, por në këtë rast rrezikon zëvendësimin e dhëmbit. Kjo përkthehet në shumë vizita dhe dhimbje.
Pesë vite
Në këtë fazë ku higjiena e gojës është lënë pas dore, rreziku më i madh është operacioni. Kjo, për shkak se dhëmbët e një personi do të jenë mbuluar nga sasi lëndësh dëmtuese që nxisin prishjen e tyre.
Dhjetë vjet
Pas një dekade, pa mbikëqyrjen e një dentisti mund të mendohet vetëm një trajtim shumë i gjatë në kohë dhe me një kosto shumë të lartë për rikuperimin e shëndetit oral.
