Kreu i opoiztës Lulzim Basha ka reaguar pas lajmit të hidhur të ndarjes nga jeta të mjekut të njour Arjan Pushi, i cili ishte i infektuar me Covid19.
Përmes postimit në Facebook Basha shkruan se ndarja nga jeta e mjekut Pushi ishte një lajm i hidhur për të gjithë shqiptarët, ndërsa i shpreh ngushëllimet familjes dhe të afërmve.
Gjithashtu Basha vlerson dhe kontributin e madh që mjeku Pushi ka dhënë për shëndetësinë shqiptare
Ja postimi i Bashës:
Pas konfirmit të lajmit për vdekjen e mjekut të njohur Arjan Pushi, i cili ishte infektuar me Covid-19, reagon kreu i PD, Lulzim Basha.
Teksa shpreh ngushëllimet familjarëve dhe miqve të Pushit, lideri i opozitës vlerëson punën e mjekut.
Jam i tronditur nga lajmi për ndarjen nga jeta të prof. dr. Arjan Pushit, një misionari të bluzave të bardha që përmes përkushtimit dhe angazhimit të palodhur i dha ndihmë te paçmuar qindra pacientëve të tij.
Gjatë muajve të fundit kam ruajtur një komunikim të rregullt me prof. Arjanin mbi krizën e covid19 dhe gjendjen e kujdesit spitalor në tërësi. Kam mbresa të pashlyeshme nga përkushtimi profesional dhe atdhetar dhe dhembshuria njerëzore e tij.
Asnjë ngushëllim nuk e lehtëson dot dhimbjen e thellë të të afërmve dhe kolegëve të tij. Prof. Dr. Arjan Pushi ka përjetë mirënjohjen e thellë të gjithë shoqërisë për një jetë në shërbim të njerëzve.
Lutjet dhe mendimet e mia janë për familjarët dhe miqtë e tij. Respekti im maksimal është për mjekët që luftuan deri në fund për ta mbajtur në jetë mikun dhe kolegun e tyre dhe që punojnë me të njëjtin përkushtim për çdo pacient. U prehtë në paqe!
Arjan Pushi është mjeku i parë, i cili ka ndërruar jetë nga koronavirusi në Shqipëri, ndërsa është personi i 63-të që ndërron jetë nga Covid-19 në vendin tonë.
