Ka shkuar në 34 numri i pesonave që mbetën të vrarë gjatë një shpërthimi terrorist në qendër të Ankarasë. Po kështu është rritur edhe numri i të plagosurve, duke shkuar në 125. Mes viktimave janë edhe 2 kamikazët që hodhën në erë makinën bombë.
Ngjarja ndodhi dje pasdite rreth orës 18:30 me orën lokale në një stacion autobusësh dhe zonë të populluar. Nga hetimet e para rezulton se sulmi është vepër e militantëve kurdë ose të një grupi të ngjashëm.
Sulmi vetëvrasës ishte planifikuar për të shkaktuar një masakër të vërtetë, duke parë që në atë orë ndodheshin në pritje dhjetëra persona për mjete publike dhe autobusë. Mes të plagosurve janë edhe 7 policë.
(Boldnews)
