Një automjet tip “Mercedez” është djegur në orët e para të mëngjesit të sotëm në Fushë-Krujë. Automjeti, nga të dhënat e para, mësohet se i përket shtetasit P.Gj, kryeplak i fshatit Fushderven në Fushë Krujë. Autovetura ka targë AA 331 EH dhe ishte e parkuar në oborrin e shtëpisë së shtetasit P.Gj.
Zjarri është konstatuar në orën 01:00 nga fqinjët, të cilët kanë njoftuar Policinë.
Familjarët dhe i zoti i makinës nuk ndodheshin në banesë.
Sipas Policisë, shkak mund të jetë ndonjë difekt në sistemin elektrik por nuk përjashtohet mundësia për zjarrvënie të qëllimshme dhe pse i pronari i makinës ka deklaruar se nuk ka probleme apo konflikte me njeri.
