Disa ditë më parë Gerrard Pique deklaroi se do të ishte shumë e vështirë për Barcelonën të fitonte titullin kampin në Spanjë, pasi sipas tij Real Madrid ka ndihmën e arbitrave dhe VAR-it.
Ndaj këtyre deklaratave ka reaguar Sergio Ramos. Mbrojtësi ka folur pas ndeshjes së mbrëmshme kundër Mallorcas dhe ka nënvizuar se deklarata të tilla janë krejtësisht të pabaza dhe dashakeqe dhe se suksesi i “Los Blancos” është tërësisht i merituar.
“Krejt papritur po krijohet një zhurmë e madhe për faktin e vetëm që ne kemi marrë kryesimin e La Ligës. Përpara njerëz të caktuar nuk flisnin. Tashmë flasin për VAR-in në kushtet kur po humbin.
Nuk i kushtojmë rëndësi kësaj zhurme. Nuk mendoj se arbitrat marrin vendime të menduara më parë. Por sipas njerëzve ne duhet të falënderojmë gjyqtarët për të qenit në krye të klasifikimit. Njerëzit duhet të frenojnë imagjinatën e tyre.
Kemi punuar fort që nga ndërprerja e kampionatit, kemi qenë të bashkuar dhe meritojmë të jemi në kushtet aktuale.”
