Prona në Shqipëri ka qenë gjithmonë ‘mollë sherri’ mes shqiptarëve, por edhe mes qytetarëve dhe vetë shtetit.
Prej 30 vitesh problemet me pronën janë ngërçi më i madh në Shqipëri, aq sa edhe durimi qytetar ka humbur së fundmi.
Kreu i Kadastrës Artan Lame është pritur me protesta fillimisht nga banorët e fshatrave të Nivicës, Lukovës dhe Shën Vasilit, me të cilët kisht kërkuar të zhvillonte një takim.
Fillimisht banorët i kanë kërkuar Lames të largohej nga zona e tyre, madje nuk munguan as fyerjet dhe akuzat në drejtim të kreut të Kadastrës, por në fund gjithçka është qetësuar.
Lame ka arritur që të bindë banorët se e vetmja zgjidhje që gjithsecili të marrë atë që i takon, është biseda dhe diskutimi me tone të buta.
Pas përplasjeve të forta Lame ka arritur të ulet në tryezë me banorët, të cilët i kanë treguar njëri pas tjetrit të gjithë problemet e tyre dhe kalvarin e gjatë të vuajtjeve dhe përplasjeve jo vetëm me njëri-tjetrin por edhe me shtetin për të marrë pronën e tyre, ku jo pak herë toakt edhe ju janë grabitur me njerëz me pushtet.
Ja çfarë ndodhi mes banorëve dhe Lames, ndiqni videon:
