Shpërthime të shumta nga vullkani “Colima” në Meksikë kanë çuar në evakuimin e qindra njerëzve nga shtëpitë e tyre.
Shtëllunga tymi të zi dhe hiri u ngritën nga vullkani, 690 km në veri-perëndim të qytetit të Meksikës ndërkohë që njoftohet se ka filluar rrjedhja e llavës.
“BBC” thotë se më shumë se 350 fshatarë që jetojnë në La Yerbabuena dhe La Becerrera në “këmbët e vullkanit” u evakuuan brenda disa orëve.
Autoritetet në shtetin fqinj Jalisco evakuuan gjithashtu disa banorë. Colima është i njohur në Meksikë si “Vullkani i zjarrit”.
Shpërthimet në fillim të këtij viti çuan në evakuime të ngjashme. Në atë kohë, Ministria e Brendshme e Meksikës tha se vullkani po kërcënonte me shpërthimin e saj të parë të madh që nga viti 1913.
