Një minator ka humbur jetën në galeritë e minierave në Martanesh.
55-vjeçari A.XH. ishte duke punuar në një prej galerive, ku edhe humbi jetën. Nuk dihet ende rrethanat mbi të cilat minatori ka humbur jetën.
“Rreth orës 10.45, është marrë informacion se është dërguar në spitalin e Bulqizës pa shenja jete shtetasi A.XH., rreth 55 vjeç, i cili dyshohet se gjatë punës në një subjekt minerar në ‘Lug të Gjatë’, Martanesh, është aksidentuar dhe për pasojë ka humbur jetën. Grupi hetimor ndodhet në vendngjarje dhe po vijon puna për zbardhjen e rrethanave të ngjarjes”, njoftoi policia.
