Policia ka arrestuar gazetarin e njohur italian, Emilio Fede. Ai po festonte ditëlindjen e 89-t, në një restorant në Napoli, kur iu vunë prangat nga dy efektivë policie, të veshur civilë.
Vitin e kaluar Fede ishte dënuar nga gjykata me arrest shtëpie, dhe e kishte të ndaluar që të dilte jashtë qytetit të Milanos.
Ai akuzohet për evazin fiskal . Pas arrestimit ai ka thënë:
“Arrestimi im? Ishte një gjë e tmerrshme. Kisha ditelindjen dhe nga Milano vendosa që me mbarimin e arrestit shtëpiak të ikja për të kaluar dy ditë me gruan time.
Ne shkuam në restorant për të ngrënë një picë, kur karabinierët arritën atje, duke më njoftuar për arrestimin për krimin e evazionit”, tha gazetari.
