Ditën e djeshme u raportua se Ledri Vula dhe Sara Hoxha do bëhen prindër për herë të parë. Po ashtu, kudo në rrjet qarkulloi lajmi se Sara është në muajin e tretë të shtatzënisë dhe çifti po pret një vajzë.
Ndonëse deri tani çifti nuk ka reaguar, kjo foto e Sarës i përforcoi edhe më shumë dyshimet.
Mbrëmjen e djeshme, teksa ishte i ftuar në “NIN”, këngëtari është pyetur nëse ka në plane të afërta të bëhet baba.
“Qysh të jetë e shkrume. Unë me qejfin ma të madh e pres. Krejt shokët e mi janë bo prindër. Kur i shoh, që pa marrë parasysh çfarë problemesh kanë, kur kthehen te fëmijët e tyre marrin atë dashuri dhe asgjë tjetër s’ju intereso në botë…edhe unë du me e pas atë ndjenjë!” – tha Ledri.
Ledri nuk dha një përgjigje të drejtpërdrejtë, por pas kësaj deklarate dyshimet na u rritën edhe më shumë dhe mezi po presim një konfirmim nga çifti.
Por si u njoh çifti? Sara nuk e njihte fare Ledrin, vetëm sa kishte dëgjuar këngët e tij, por shpesh nuk e lidhte muzikën me fytyrën e këngëtarit.
“Ajo erdhi për shoqet e veta në një koncert timin. Erdhën në prapaskenë, mua më pëlqeu ajo, kurse kjo s’e ka ditur as kush jam. E ka dëgjuar Ledri si emër dhe këngët, por si fytyrë s’më ka njohur. Më bëri tag në foto dhe filluam duke folur. Shumë më vonë jemi takuar.”- tregoi Ledri.
