Analisti Andi Bushati lidhur me 15 kushtet që duhet të plotësojë Shqipëria për të çelur negociatat për anëtarësim në Bashkimin Europian ka deklaruar se lajmi i keq për shqiptarët është se kushtet kanë ardhur duke u shtuar dhe shtrënguar.
Sipas tij, deklarata e kryeministrit se nuk ka shumë kushte s’është çështje gallate, se këtu bëhet një karagjozllëk i madh.
Debati:
Andi Bushati: Është proces që ka nisur që nga Bundestagu gjerman, dhe e dinim rrugën që po merrte shtyrja e procesit për Shqipërisë. Duket që shtetet anëtare kanë qenë të pakënaqur me raportet e Komisionit Europian. E keqja është që kushtet kanë ardhur duke u shtuar e shtrënguar. Ky është lajm i keq për shqiptarët.
Eni Vasili: Rama thotë që nuk ka kaq shumë kushte
Andi Bushati: Kjo s’është çështje gallate, se këtu bëhet një karagjozllëk i madh. Ata që kanë votuar në PE është shumicë goxha më e gjerë se sa aleatët e PD.
Mentor Nazarko: Ka patur një mbledhje e Këshillit Europian në mars dhe janë vendosur 3 kushte. Këto janë pjesë e një resolute të PE të disa pikave që nuk janë të detyrueshme. Rama luan me këtë do me thënë. Që janë disa pika por jo kushte të detyrueshme.
