Arabia Saudite njoftoi këtë të Hënë se do të lejojë në fund të korrikut pelegrinazhin e madh mysliman në Mekë, një nga pesë shtyllat e Islamit, me një numër shumë të kufizuar ndjekësish, për shkak të pandemisë së koronavirusit të ri, sipas agjencisë zyrtare të shtypit “SPA”.
“Vetëm personat e kombeve brenda Mbretërisë Saudite do të jenë në gjendje të kryejnë haxhin, në përputhje me masat paraprake, që synojnë frenimin e përhapjes së virusit”, tha raportoi media shtetërore e Arabisë Saudite.
Deri më tani, raportohet se Riadi ishte në pasiguri për mbajtjen e këtij pelegrinazhi, një nga tubimet më të mëdha fetare në botë, i cili tërhoqi 2,5 milionë adhurues myslimanë në vitin 2019, sipas shifrave të ministrisë përgjegjëse për organizimin.
