Kompania farmaceutike ‘Omega Pharma’ ka reaguar për arrestimin e administratorit të saj Fatos Çausholli, pasi shmangu detyrimet doganore. Ai u arrestua dje në një operacion të koduar ‘Vitamina’ të Krimit Ekonomik dhe Antikontrabandës.
Policia thotë se Fatos Çausholli shmangu detyrimin doganor për mallin në vlerë 40 milionë Lekë dhe për këtë u ndihmua nga doganieri Mirlind Berberi, edhe ky i arrestuar.
Kurse kompania farmaceutike thotë se administratori Fatos Çausholli nuk ka asnjë faj në këtë histori, pasi përgjegjësinë e mban doganeri, i cili harroi një nga faturat me vlerë 77 mijë Lekë, që ishte paguar nga kompaina.
Reagimi i kompanisë ‘Omega Pharma’
Subjekti: Ne lidhje me ndalimin e Administratorit te Omegafarmes sqarojme se :
1- Vlera e detyrimit doganor prej 6.100.400 leke (te reja) per cdoganimin e mallit qe korrespondon ne vleren totale te fatures prej 241.261 Dollar eshte paguar totalisht per te gjithe mallin e ngarkuar ne 2 kamione.
2- Nje nga 3 faturat me vlere 554 dollar , afersisht 77.000 leke si produkte promocionale , pavaresisht se dogana u pagua si vlere , u harrua nga agjenti doganor , qe eshte pergjegjes , te futet ne dogane. Kjo eshte nje pergjegjesi e Agjentit Doganor.
3- Omegafarma nuk i harton dhe nuk i dergon faturat ne Dogane. Ato shkojne direkt nga kompania derguese me anen e transportuesve te vet te huaj. Pra roli i Administratorit te Omegafarmes dhe cdo punonjesi tjeter te stafit tone eshte joaktiv ne kete kontekst. Omegafarma ben vetem pagesen totale te detyrimit doganor te cilin e nxjerr dhe e deklaron Agjenti Doganor, ne te cilen ka qene e perfshire edhe fatura me vleren 554 dollarë.
Ritheksojme se : Pergjegjesia e dokumentacionit eshte e Agjentit Doganor , jo nga ana e Omegafarmes. Kompania Omegafarma nuk e ka shmangur detyrimi doganor. Te dy kamionet qe transportonin mallin ishin te deklaruar dhe te paguar ne dogane.
Ne menyre te padrejte eshte ndaluar Administratori i Omegafarmes per nje detyrim te paguar nga ana e Kompanise dhe te deklaruar ne Dogane. Gjithashtu jane te paverteta edhe informacionet e raportuara ne shtyp per kontrabande . Omegafarma ka qene gjithmone korrekte ne detyrimet tatimore dhe doganore ndaj shtetit , duke qene nje nga tatimpaguestit e medhenj.
