Agjencia Kombëtare e Barnave u është drejtuar organeve hetimore për një rast falsifikimi të medikamenteve. Inspektorët e kësaj agjencie kanë konstatuar mospërputhshmëri të të dhënave për një antibiotik me spektër të gjerë veprimi, dhe për këtë i janë drejtuar Prokurorisë.
Përgjatë viteve 2014-2015, inspektoret kanë identifikuar disa raste të barnave që kanë patur mospërputhshmëri të të dhënave, të ambalazhit të jashtëm me përshkrimin e barit. Por në këto raste analizat kanë treguar se cilësia e barit është ajo e përshkruar në fletën udhëzuese.
Ministri i Shëndetësisë deklaroi këtë javë në Komisionin e Jashtëm parlamentar se janë zbuluar edhe raste të tjera kur medikamenti nuk përputhet me përshkrimin në ambalazh.
