Skënderbeu flet vetëm me gjuhën e fitores në Superiore. Korçarët morën suksesin e pestë radhazi në kampionat duke mundur 3-0 në shtëpi Vllazninë.
Skënderbeu e gjeti golin që në minutën e 8 të ndeshjes, kur James ktheu në gol një 11-metërsh, ndërsa i përhershmi Salihi dyfishoi shifrat në minutën e 37.
Në pjesën e dytë, korçarët u munduan më shumë të menaxhonin rezultatin e arritur në pjesën e parë, ndërsa Vallaznia nuk kishte forca për të ndëshkuar kampionët e vendit.
Tetë minuta para fundit, sërish Hamdi Salihi shënon edhe golin e tretë të ndeshjes dhe të dytin personal, duke vulosur rezultatin.
Nga ana tjetër, skuadra e Vllaznisë e pamposhtur deri paraditen e sotme, madje pa pësuar asnjë gol, ka regjistruar përballë kampionëve në fuqi humbjen e parë në këtë sezon, duke prishur kështu edhe statistikat pozitive, teksa në portën e kuqebluve ndihet pesha e tre golave të pësuar.
