Deputeti i Partisë Socialiste, Parid Cara ka sulmuar ministrin Ilir Beqaj se ka vënë në si drejtor të Spitalit të Kavajës një të papërgjegjshëm dhe alkoolist.
Në një status në “Facebook”, deputeti Cara merr rastin e të aksidentuarit në Kavajë, i cili u dërgua në Durrës pa mjekë shoqërues dhe pa pajisjen e oksigjenit, duke rënë në koma gjatë rrugës. Duke shtuar dozën e akuzave, Cara thotë se drejtori i Spitalit të Kavajës, Përparim Daiu mbush xhepat duke rrezikuar jetët e qytetarëve.
STATUSI
Korrupsioni dhe papergjegjshmeria ne Spitalin e Kavajes ka arritur tashme ne nje nivel aq te larte saqe askujt duket se nuk po i ben me pershtypje. Dje eshte shenuar nje aksident ne qytet dhe te afermit e derguan te plagosurin me shpejtesi ne spital. Por mjeket atje rekomanduan qe te ndiqej ne spitalin e Durresit pasi kushtet ishin me te mira. Por me papergjshmerine me te madhe, i plagosuri eshte transportuar me ambulance, pa mjek dhe pa bombel gazi duke rene ne koma.
Spitali i Kavajes prej kohesh drejtohet nga nje njeri i korruptuar, ordiner e pijanec. Perparim Daiu nuk mund te jete fytyra e qeverisjes sone ne Kavaje. Disa here i kam kerkuar Ministrit largimin e ketij te papergjegjshmi, qe rrezikon jetet e njerezve per te mbushur xhepin e tij, por nuk kam marre pergjigje.
Shpresoj qe ky rast i fundit te ndergjegjesoje te gjitha institucionet per te vene dore ne Spitalin e Kavajes. Une, deputeti i kesaj zone, do ta ndjek deri ne fund kete ceshtje.
