Vangjel Dule, kryetar i PBDNJ-së, denoncoi mbrëmjen e sotme, presionin që ushtrohet nga minoritetit në jug të vendit nga forcat e anti-terrorit.
I pranishëm në emisionin “Zonë e Lirë”, Dule tha se forcat e anti-terrorit po ushtrojnë presione me forma nga më të ndryshmet ndaj banorëve të zonave minoritare.
“I thërrasin në drejtorinë e Policisë së Fierit dhe merren në pyetje atje. Gjithë burrat e një fshati u thirrën në Fier për të dhënë dëshmi mbi ca parrulla që ishin shkruar në një rrugë dytësore në gjuhën greke.
U thirrën gjithë burrat e fshatit, çfarë është kjo?
Po kështu anti-terrori thërret burrat sepse në një Kishë, në oborrin e saj u ngrit një kryq, dhe këtë e konsiderojnë ndërtim të paligjshëm, ndërsa hetimet i bën anti-terrori”, tha Dule.
Gjithashtu ai akuzoi Kryeministrin Edi Rama se po synon grabitjen e pronave në jug tëvendit, në zonat bregdetare, njëlloj siç u bë me Kakomenë.
