Të dielën Evertoni do të përballet me Liverpool në derbin e famshëm të futbollit anglez.
Kjo sfidë do të jetë edhe një duel mes sulmuesit të Everton, Richarlison, dhe mbrojtësit të “Reds”, Virgil Van Dijk.
Madje sulmuesi Brazilian ka menduar t’i hapë publikisht sfidën shtatlartit holandez, duke minimizuar potencialin e kundërshtarit të tij të radhës:
“Njerëzit flasin shumë për Van Dijk. Ai është padyshim një mbrojtës i shkëlqyeshëm, por unë tashmë e kam dribluar me lehtësi. Për sezonin e kaluar ai u zgjodh me të drejtë në 3 lojtarët më të mirë në botë por mendoj se ka mbrojtës më të mirë se ai, përmend këtu Thiago Silva-n, Marquinhos dhe Sergio Ramos.” – ka thënë Richarlison.
