Dy aksidente automobilistik janë regjistruar mesditën e kësaj të premteje në kryeqytet.
Sipas burimeve zyrtare. mjeti me drejtues shtetasin E.S., ka aksidentuar këmbësorin K.Z., i cili ka mbetur i plagosur. Ai është dërguar me urgjencë në spital dhe ndodhet nën kujdesin e mjekëve. Ngjarja ka ndodhur rreth orës 12:35, në rrugën “Jordan Misja”.
Ndërsa një aksident tjetër është regjistruar rreth ores 12:50, në rrugën e “Elbasanit”. Mësohet se mjeti me drejtues A.M., ka aksidentuar biçiklistin G.T. Bëhet me dije se ky i fundit ka mbetur i plagosur dhe është dërguar në spital dhe ndodhet nën kujdesin e mjekëve.
Sherbimet e Policise ndodhen ne vendngjarje dhe vijon puna per zbardhjen e rrethanave te ngjarjes.
