Një ngjarje e rëndë raportohet të ketë ndodhur mbrëmjen e djeshme në Berat. Një 48-vjeçar me iniciale S.K,. dyshohet se ka ngacmuar seksualisht një vajzë 5 vjeçe.
Denoncimi pranë Drejtorinë Vendore të Policisë Berat është bërë nga vetë familjarët e vogëlushes banues në lagjen ‘Barrikada’.
Pas denoncimit, blu-të e Beratit kanë ndjekur rastin,duke vizituar fillimisht vajzën 5-vjeçe në Spitalin Rajonal të qytetit. Nga vizita mjekësore që është kryer nga mjekët specialist ka rezultuar se, 5-vjeçarja kishte shenja të ngacmimit seksual, që-sipas mjekëve-nuk ishin finalizuar.
Mësohet se e mitura është ngacmuar seksualisht nga komshiu i saj 48-vjeçar, që rezulton të jetë i njohur nga banorët e lagjes si pijanec. Mësohet gjithashtu se, ky person rrinte shpesh dhe luante me fëmijët e lagjes në sheshpushimet përpara pallateve por deri tani askush nga banorët e lagjes ‘Barrikadë’ nuk ishte ankuar për sjelljet e tij ndaj fëmijëve.
Ende nuk dihen rrethanat e kësaj ngjarjeje të rëndë dhe dinamika e saj, pasi nga ana e policisë nuk konfirmohet se ku dhe si ka ndodhur ngacmimi seksual.
Pasi e mitura është marrë në pyetje,në prani edhe të psikologëve, policia e Beratit ka vënë në pranga 48-vjeçarin për veprën penale “Ngacmimi seksual me të mitur”. Materialet i kaluan Prokurorisë pranë Gjykatës së Shkallës së Parë Berat për veprime të mëtejshme.
