Mafia italiane “Ndrageta” ka pësuar një prej goditjeve më të rënda nga ana e Antimafias. Autoritetet kanë rënë në gjurmët e trafikut të drogës nga Brazili dhe Shqipëria, drejt Italisë.
Autoritetet italiane të Antimafias dhe të Antidrogës kanë ekzekutuar sot fazën finale të mega operacionit të koduar “Rinascita-Scot” me 18 masa ndalimi, 11 prej të cilëve me burg.
Operacioni zbardhi një rrjet trafikantësh droge të tipit kokainë e marijuanë nga Brazili në Itali, dhe nga Shqipëria në Itali për llogari të mafias kalabreze Ndrangheta.
Nën arrest janë vënë jo vetëm trafikantë e bosa amfiozë por dhe ish parlamentarë e eksponentë të politikës lokale kalabreze të forcave të ndryshme si të Partisë Demokratike, Forza italia, PSI, janë arrestuar avokatë e profesionistë si dhe dy drejtues të policisë bashkiake të përfshirë në aktivitet kriminal.
Baza e këtij trafiku ishte territori i Vibo Valentias në Kalabri.
Në masa ndalimi janë dhe 8 shqiptarë:
– Orkind Cobaj, i lindur në Shqipëri më 20/08/ 1992 e i shpallur në kërkim;
– Ydaj Hoxhaj, lindur në Shqipëri më 04/01/ 1991;
– Robert Lazaj, lindur në Mekat të Vlorës më 29/08/1972;
– Alfred Lucaj, lindur në Shqipëri më 26/05/1979;
– Lulëzim Shkurtaj, lindur në Shqipëri më 27/05/1987;
– Eduart Tahiraj, i njohur dhe me emrin Dhimitër Lutaj lindur në Shqipëri më 22/10/1971;
– Floriand Tahiraja lindur në Vlorë më 22/02/1983; Lavdosh Serani lindur në Shqipëri më 01/06/1975.
