Paraditen e të shtunës, portreti i Edi Ramës do të garojë për vëmendje televizive me pankartat e protestuesve ndaj ligjit për importin e plehrave në bulevard.
Asambleja e PS-së e thirrur në të njëjtin moment me protestën, do të miratojë mes të tjerash edhe Kodin e Etikës, i cili duket se ka si synim t’i vërë fre debateve të brendshme në PS.
Në të njëjtën orë me protestën e planifikuar nga shoqëria civile kundër ligjit për importin e plehrave, socialistët kanë vendosur të thërrasin mbledhjen e Asamblesë së PS-së, raporton ABCnews
endi i ditës nuk paraqet asgjë substanciale, përveç miratimit të disa rregulloreve të brendshme, gjë që bëri shumë të ndjekës të zhvillimeve politike në vend të binden se thirrja e kësaj Asambleje kishte si qëllim kryesor spostimin e vëmendjes së opinionit publik nga bulevardi në qendër të Tiranës ku do të mblidhen protestuesit, në periferi të qytetit, ku do të mblidhen mbështetësit e rinj të ligjit për importin e plehrave.
Punimet e Asamblesë do të nisin me fjalën e kryeministrit Edi Rama, njëherësh kryetar i PS-së.
Ky fjalim pritet të transmetohet drejtpërsëdrejti dhe nuk parashikohet të jetë i shkurtër.
Shpresa e drejtuesve të PS-së është që ekranet e televizioneve, paraditen e të shtunës, të zihen sa më gjatë nga portreti i kryetarit Rama, me qëllim që vëmendja ndaj protestës të sfumohet duke kaluar në plan të dytë.
