Kapiteni i Napolit, Lorenzo Insigne, ka ndërprerë lidhjet me agjentin Mino Raiola. Sulmuesi tashmë është pjesë e agjencisë së Vincenzo Pisacane, “G.E.V Sport and Management”.
“Më bën krenar që ju kam në agjencinë tonë dhe është privilegj të punoj me ju,” tha Pisacane për rekrutimin e tij më të ri.
“Sot është një ditë e rëndësishme për ne, kapiten. Ne jemi të lumtur që ju kemi me ne si njeri dhe të lumtur që kemi mundësi t’ju përfaqësojmë si lojtar.”
Raiola dhe Insigne filluan bashkëpunimin në vitin 2018, ndërsa nuk dihet se pse i dhanë fund marrëveshjes së tyre.
