Policia e Tiranë ka arrestuar 5 persona, ku mësohet se dy prej tyre ishin në kërkim, ndërsa 3 të tjerë, 1 për vjedhje dhe 2 për drejtim mjeti në mënyrë të parregullt.
Më konkretisht:
Është arrestuar për veprën penale “Vjedhja”, shtetasi A. K., 30 vjeç, banues në Tiranë, pasi, në rrugën “Todi Shkurti”, ka tentuar t’i vjedhë nga qafa varësen e floririt një shtetaseje.
Ndërsa dy personat në kërkim që janë kapur janë shtetasit:
-P. G., 57 vjeç, pasi Gjykata e Fierit i ka caktuar dënimin me 6 muaj burg, për veprën penale ”Mashtrimi”;
-R. H., 53 vjeç, pasi ishte shpallur në kërkim për veprën penale “Dhuna në familje”;
Ndërkohë, nga specialistët e Qarkullimit Rrugor janë arrestuar shtetasit:
-B. Rr., 53 vjeç, pasi në Bulevardin Blu, Kamzë, u kap duke drejtuar mjetin në gjendje të dehur në masën 0.66 mg/l;
-J. L., 25 vjeç, pasi në Kamzë u kap në flagrancë duke drejtuar mjetin pa lejen përkatëse;
Materialet i kaluan Prokurorisë së Rrethit Gjyqësor Tiranë, për veprime të mëtejshme.
