Ka shkuar në 9 numri i të arrestuarëve në kuadër të operacionit “Kurila” të finalizuar në muajin nëntor të vitit të kaluar.
Blutë e Korçës njoftojnë se në pranga është vënë dhe një bashkëpunëtor tjetër i implikuar në ngjarje. Pas hekurave ka përfunduar shtetasin në kërkim E. M., 34 vjeç, banues në Korçë, (i dënuar më parë për veprën penale “Vjedhja”).
Gjykata e Rrethit Gjyqësor Korçë me vendimin e datës 14.05.2020, ka caktuar për 34-vjeçarin masën e sigurisë “Arrest në burg”, për veprat penale “Trafikimi i narkotikëve, kryer në bashkëpunim, mbetur në tentativë”.
Gjithashtu polici e Korçës ka arrestuar dhe shtetasin në kërkim K. X., 27 vjeç, banues në Korçë.
Në datën 17.02.2020, në lagjen nr. 8, në Korçë, ky shtetas në bashkëpunim me vëllain e tij shtetasin V. X., pas një konflikti për motive të dobëta, kanë qëlluar me armë zjarri tip pistoletë në drejtim të shtetasit V. B., i cili nuk ka pësuar dëmtime dhe janë larguar nga vendngjarja.
Materialet në ngarkim të tij i kaluan Prokurorisë të Rrethit Gjyqësor Korçë për veprime të mëtejshme.
