Ish-deputeti i PD, Ervin Salianji, e ka dënuar ashpër dhunën e policisë ndaj banorëve të Velipojës të cilët dolën në mbrojtje të pronave të tyre.
Në postimin e tij Salianji thekson se Edi Rama kërkon tu marrë me dhunë pronat qytetarëve për t’ua dhënë ato oligarkëve të rilindjes.
Ndërkohë Salianji ka komentuar dhe paralajmërimin e Edi Ramës për rikthimin e karantinës, duke theksuar se aipo kërkon të mbyllë shqiptarët dhe më pas tu rrëmbejë pronat.
Salianji thekson se e vetmja zgjidhje është largimi i Ramës një orë e më parë nga pushteti.
Ja postimi i Salianjit:
Edi Rama dhunon dhe kërcënon shqiptarët çdo ditë. Në kohën që i paralajmëronte për një karantinë të re, policia dhunonte në mënyrë makabre qytetarët që mbronin ndertesat e tyre në Velipojë. Në kundërshtim të plotë me ligjin, Edi Rama ua rrëmbeu sot token në Velipojë për t’ia dhënë oligarkëve dhe bandës kriminale që e mban atë në pushtet.
Pasi i mbylli në karantinë dhe i la pa ndihmë, pasi i varfëroi dhe rriti papunësinë, sot Ramavirusi nuk kurseu as dhunën dhe gazin lotsjelles për qytetarët që mbronin pronën e tyre.
Kur i duhet të grabisë tokat në bregdet dhe të rraheë qytetarët, rregullat anticovid nuk kanë rëndësi!
I veshur me pushtetin e krimit dhe të oligarkëve, Edi Rama është shndërruar në figurën më të urryer për shqiptarët.
Largimi i tij një orë e më parë eshte zgjidhja e vetme per interesin e cdo qytetari!
