Policia e Tiranës ka arrestuar një shtetas palestinez, pasi është kapur me kanabis me vete si dhe ka kundërshtuar punonjësit e policisë.
Pas hekurave ka përfunduar 22-vjeçari palestinez me iniciale H.F.
“Në rrugën “At Zef Valentini”, gjatë kontrollit fizik këtij shtetasi iu gjet dhe iu sekuestrua në cilësinë e provës materiale një sasi lënde narkotike e llojit cannabis sativa. Ky shtetas, gjatë kohës që po shoqërohej në dhomën e ndalimit, ka kundërshtuar punonjësit e Policisë dhe ka thyer plotësisht xhamin e derës së korridorit.” thuhet në njoftimin e policisë.
Ai akuzohet për veprat penale “Prodhimi dhe shitja e lëndëve narkotike”, “Shkatërrim prone” dhe “Kundërshtimi i punonjësit të policisë”
Materialet i kaluan Prokurorisë së Rrethit Gjyqësor Tiranë, për veprime të mëtejshme.
