Sot, (dt.10 qershor) pjesa e parë e ditës mbetet me kthjellime dhe vranësira kalimtare. Por, sipas Meteoalb, gjatë mesditës dhe pasdites vranësirat do të shtohen në vend duke sjellë dhe reshje shiu në pjesën më të madhe të Shqipërisë. Mbrëmja përmirëson gradualisht kushtet e motit.
Temperaturat e ajrit do të ulen në mëngjes dhe në mesditë duke regjistruar vlerën minimale në qytetin e Ersekës me 10°C, ndërsa vlera maksimale do të shënohet në qytetin e Lezhës me 28°C.
Era do fryjë e lehtë në tokë dhe mesatare në det me shpejtësi 30 km/h nga drejtimi Jugor duke krijuar dallgëzimin 3 ballë.
