Një gjyqtar i La Ligës ka rezultuar pozitiv me Covid-19 në testet që RFEF ka zhvilluar me “bluzat e zeza”.
Tashmë ai do të karantinohet në banesë, sipas protokollit përkatës mjekësor. Emri i gjyqtarit nuk është bërë publik, ndërsa i infektuari mund t’i rikthehet punës vetëm pasi të dalë negativ në dy teste të tjera të njëpasnjëshme.
Të gjithë gjyqtarët, pra, që duhet të drejtojnë ndeshjet profesionale të futbollit në Spanjë, i janë nënshtruar një ekzaminimi të plotë mjekësor dhe sportiv për të vlerësuar gjendjen e tyre para rifillimit të garave kombëtare.
La Liga rifillon sezonin e saj më ditën e enjte më 11 qershor, me sfidën ndërmjet Sevillas dhe Real Betis-it.
