Watford gjunjëzon Arsenal në “Emirates” dhe shkon në gjysmëfinalen e FA Cup

Watford ka prerë biletën për në gjysmëfinale pikërisht kundër Arsenal në “Emirates Stadium”. Arsenal u zgjua tepër vonë për të përmbysur rezultatin, teksa goli i Welbeck i dha një fije shpresë por ndeshja përfundoi me rezultatin 1:2. Lojtarët kyç të Watford ishin padyshim dyshja e sulmit Ighalo dhe Deeney, i pari shënoi një gol kurse i dyti ka përgatitur të dy golat e shënuar (goli i dytë nga Guedioura). Arsenal tashmë duhet të përqendrohen te Premier League, pasi është objektivi i vetëm që i ka mbetur, duke parë ndeshjen pothuajse të përfunduar kundër Barcelona-s në Champions League. Ndeshja fillon me kontrollin e plotë të Arsenal, teksa miqtë duken tepër nervozë. Watford arrin të futet në lojë me kalimin e minutave edhe duke qenë i rrezikshëm në zonën e Arsenal. Në minutën e 31’ Gabriel rrezikon të dalë me karton të kuq, pas një ndërhyrje të rëndë kundër Deeney, por arbitri e fal. Watford merr zemër, duke pasur mundësinë më të mirë për të kaluar në avantazh vetëm një minutë më pas por rasti shpërdorohet nga Elneny. Rastine fundit të pjesës së parë e ka Arsenal, por Campbell nuk arrin ta çojë topin në rrjetë pas një pasimi të Ozil që e vendosi vetë për vetë me portierin. Pjesa e parë mbaron me rezultatin 0:0, dhe me 11 kundër 11 lojtarë, por Gabriel duhet të kishte dalë me karton të kuq. Arsenal – Watford Live Score Pjesa e dytë fillon me avantazhin e menjëhershëm të miqve të Watford. Ighalo merr një pasim nga e majta në minutën e 50’, arrin ta mbrojë shumë mirë topin brenda në zone dhe më pas e godet me një kthesë prej një sulmuesi të klasit të lartë. Watford është duke bërë ligjin dhe sa herë del në sulm është i rrezikshëm, Arsenal është shumë i pasaktë para portës. Goli i dytë nuk vonon, Watford dyfishon rezultatin me një predhë të pakapshme të Guedioura nga cepi i zonës e cila përfundon në trekëndëshin e majtë të portierit. Teksa ndeshja dukej sikur po shkonte drejt përfundimit Arsenal jep një shenjë jete në minutën e 88’ teksa sanchez kombinon bukur me Welbeck i cili e shtyn në rrjetë nga një kënd i vështirë. Një minutë më pas Arsenal ka mundësinë e barazimit për shtylla dhe më pas goditja e pasaktë e Welbeck ja mohojnë.