Ka ndërruar jetë në spital Ragip Hajdini i cili u arrestua për grabitjen e 4.6 milionë eurove në Rinas.
Burime bëjnë me dije se ai ndodhej prej tre ditësh i shtruar në reanimacionin e Traumës pasi vuante nga kanceri.
Ai ishte nga Peja dhe njihej si “daja” nga Kosova.
Ndërkohë, për grabitjen e Rinasit ndodhen në qeli dhe 8 persona: Elton Pikli, Renaldo Sulaj, Oltion Veseli, Saimir Cela, Alkond Bengasi dhe Hasan Kanaci dhe vëllezërit Klement dhe Eldi Çala, ndërsa i vrarë nga shkëmbimi i zjarrit me policinë ditën e ngjarjes mbeti organizatori i grabitjes Admir Murataj. Ndërsa vazhdon të jetë ende në kërkim Talo Çela.
