Joanne Rowling, autorja e “Harry Potter”, po përballet me kritika të ashpra pas një komenti të saj në Twitter që ndjekësit e cilësuan si transfobike. Rowling komentoi së fundmi një artikull të Devex, një platformë mediatike për komunitetet globale në zhvillim, me titullin: Të krijuarit e një bote më të mirë post-Covid-19 për njerëzit që kanë menstruacione.
“Njerëz që kanë menstruacione. Jam e sigurt që ka një fjalë për këta njerëz. Wumben? Wimpund? Woomud?” që ngjason si belbëzime për të thënë “women” (gra).”- shkroi Rowling në Twitter.
Qytetarët e kanë cilësuar komentin e saj si “transfobik”, pasi edhe personat transgjinorë dhe njerëzit që nuk kanë një identitet gjinor mund të kenë menstruacione. Rowling nga ana tjetër kritikoi idenë se “sensi biologjik i dikujt nuk është i vërtetë”.
Megjithatë autorja i referohet seksit, si tërësia e tipareve biologjike që dallojnë mashkullin nga femra, por identiteti gjinor është tjetër koncept. E thënë ndryshe një individ mund të jetë biologjikisht femër, por nuk ndihet grua ose nuk dëshiron të identifikohet si grua.
“Nëse seksi nuk ekziston, nuk ka tërheqje brenda të njëjtit seks. I njoh dhe i dua personat transgjinorë, por fshirja e konceptit të seksit heq aftësinë e njerëzve për të diskutuar mbi jetën e tyre. Nuk është urrejtje që të flasim për të vërtetën.”- është shprehur ajo.
