Një 37 vjeçar është arrestuar nga policia e Tiranës, pasi qarkullonte me armë zjarri me vete. Në pranga është vënë shtetasi E. L., banues në Domje.
Sipas burimeve zyrtare, ky shtetas qarkullonte me automjet në rrugën “Bylis” (rrugë dytësore e autostradës Tiranë-Durrës), me qëllim që t’i shmangej kontrollit të Policisë, pasi mbante armë me vete, por është ndaluar dhe kontrolluar nga shërbimet e Komisariatit të Policisë Nr. 6.
Si rezultat i kontrollit, Policia i ka gjetur në brez një armë zjarri pistoletë që e mbante pa leje, me një krehër me 7 fishekë lutarak.
Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë, për veprën penale ”Armëmbajtja pa leje”, për të cilën parashikohet dënimi deri në 7 vjet burgim.
