Policia e Elbasanit dhe RENEA kanë arrestuar një person me precedent të theksuar kriminal në fushën e armëmbajtjes pa leje dhe krimeve ndaj personit.
Pas hekurave ka përfunduar shtetasi E. D. 33 vjeç, banues në lagjen Shënkoll, Elbasan, pasi akuzohet për veprën penale “Armëmbajtja pa leje”.
Sipas burimeve zyrtare, gjatë kontrollit të ushtruar në banesën e këtij shtetasi, Policia gjeti një arsenal armësh, konkretisht: një kallashnikov, dy pistoleta (njëra prej tyre me silenciator ), 170 fishekë dhe një jelek antiplumb. Gjithashtu, në cilësinë e provës materiale u sekuestruan dhe dy automjete dhe dy telefona celularë.
Materialet do t’i kalojnë Prokurorisë së Rrethit Gjyqësor Elbasan, për veprime të mëtejshme.
