Një kopsht ka rënë pre e grabitësve gjatë natës së kaluar në Berat.
Bëhet fjalë për kopshtin “Tafil Roli” në lagjen “Uznovë”, ku mësohet se janë grabitur një tapet dhe disa sende të tjera.
Bëhet me dije se grabitësit kanë hyrë në kopsht duke shqyer derën kryesore dhe stafi i këtij kopshti, pasi ka konstatuar herët në mëngjes derën kryesore të kopshtit të shqyer, ka njoftuar menjëherë policinë.
Policia ka kryer veprimet procedurale brenda kopshtit dhe po punon për identifikimin dhe kapjen e autorëve të ngjarjes.
