Deschamps hap derën e përfaqësueses për Benzema

rajneri i përfaqësueses franceze Didier Deschamps ka folur për një rikthim të mundshëm të yllit të Real Madrid, Karim Benzema, në ekipin kombëtar. “Të gjithë na kanë zili që kemi një sulmues si Benzema. Asnjë lojtar nuk rri titullar te Real për pesë vite radhazi nën urdhrat e Mourinho, Ancelotti, Benitez dhe tani Zidane,” shprehet Deschamps për L’Equipe. “Për kampionatin evropian dua të grumbulloj lojtarët më të mirë. Karim ka bërë një gabim, por un i mbetem besnik principit tim: Do të mbroj çdo lojtar.” Sulmuesi 28-vjeçar kishte detyruar bashkëkombësin e tij Mathieu Valbuena t’i jepte 150.000 euro një “shokut” të tij, në mënyrë që të mos t’i publikonte një video personale. Presidenti i federatës franceze Noel Le Graet e ka pezulluar Benzema nga përfaqësuesja. Por tani ai kërkon t’ia heqë pezullimin, pasi ka folur me të dy lojtarët. Deschamps do të publikojë listën e lojtarëve që do të grumbullojë për ndeshjet miqësore gjatë muajit mars, por nuk pritet që Benzema të jetë pjesë e ekipit, për shkak se është i dëmtuar. Deschamps është shprehur edhe për shanset e tij në evropian: “Në krahasim me botërorin e Brazilit, diferenca midis nesh dhe Gjermanisë është zvogëluar.”