Ish-kryeministri Sali Berisha ka publikuar në faqen e tij në Facebook një mesazh nga “qytetari dixhital”, i cili i kthen përgjigje ministrit të Brendshëm Saimir Tahiri, për atë që ai e cilësoi si ‘mik’ të kreut të PD, Lulzim Basha.
Qytetari dixhital i shkruan Berishës se Arben Xibri që shihej duke takuar Bashën në foto është përkrahës i së majtës dhe jo i PD-së siç aludon ministri Tahiri.
“Qytetari dixhital i përgjigjet Saje qorrit: Arben Xibri është majtist i njohur!”, shkruan Berisha.
Këtë radhë Berisha e ka publikuar mesazhin me foto dhe ka zbuluar se në inbox-in e tij ka 18,409 mesazhe të palexuara.
