Babë e bir janë shpallur në kërkim në Velipojë pasi kanë qëlluar me armë drejt një furgoni, fatmirësht nuk ka të plagosur.
Mësohet se të shtënat janë dëgjuar në fshatin Mal Kolaj të Velipojës. Sipas informacioneve, babë e bir, Kanto dhe Edmond Vushmaçi kanë qëlluar me armë drejt një furgoni dhe më pas janë larguar.
Ata janë identifikuar pak minuta më vonë dhe janë shpallur në kërkim, ndërsa në banesën e tyre është gjetur edhe makina dhe një cifte. Ndërkohë është shpallur në kërkim edhe djali tjetër i Kanto Vushmaçit.
Paraprakisht dyshohet se gjithçka ka nisur si rezultat i një konflikti të hershëm mes palëve.
