Një studente shqiptaore-greke ka ndërruar jetë në Greqi për shkak të një gabimi mjekësor. Viktima është 22-vjeçarja Aleksandra Bistolaki. M
Mediat vendase raportojnë se 22-vjeçarja kishte kryer një operacion më 22 maj, ku kishte hequr një kist, që në fakt i shkaktoi një çrregullim hormonal.
Pas këtij operacioni të kryer në një klinikë private në Korinth, studentja filloi të ankohej se nuk ndjehej mirë. E ëma, Anila Mertika, emigrante nga Saranda, së bashku me të atin, vendas, e transferuan në spitalin e Athinës, “Georgios Genimatas”.
Pak orë pas ndërhyrjes së dytë Aleksandra Bistolaki bie në koma, ndërsa ditën e djeshme humbi jetën.
Ende nuk ka dalë ekspertiza mjeko-ligjore për 22-vjeçaren, por dyshohet se shkak ka qenë një gabim mjekësor.
